在香港，考車牌有時被認為是「有需要先考」的事。但細心一想，無論你是哪一類人，駕駛執照可能比你想像中更貼近生活、更實用。以下幾種情況，看看你屬於哪一類？
第一類：新居入伙，出入靠車的新業主
無論是抽中居屋、購入私樓，還是租住新發展區，香港不少新屋苑都位於新界北、將軍澳南、啟德、東涌等區域。這些地方交通配套仍在發展中，巴士小巴未必密，假日買餸、返工返學，有車在手，方便不止一倍。
如果你正是這類新業主，學車不再是「選修科」，而是「生活必修科」。
第二類：想提升職場競爭力嘅上班族
經濟環境變幻莫測，擁有多一項技能，永遠是優勢。持有駕駛執照，無論是應徵司機、物流、運輸、銷售外勤，甚至是想投身紀律部隊，都可能是入場券。
特別是近年運輸業求才若渴，司機職位空缺多，待遇亦逐步提升。如果你想為自己開拓更多職業出路，學車是一個實際的選擇。
第三類：想投身運輸業、揸商用車搵食的人
如果你目標明確，想揸的士、小巴、巴士、貨車，甚至想投身物流業，那麼商用車牌照是你的必經之路。
現時市場對職業司機需求持續，而且部分商用車駕駛課程已獲資歷架構認可，更可申請持續進修基金（CEF），減輕學費負擔。想轉行，現在是好時機。
第四類：假日家庭，想帶家人周圍去的父母
週末想帶小朋友去郊外、去沙灘、去露營？公共交通未必到，call車又貴又要等。有車牌在手，隨時可以租車或揸自己車出發，時間由你話事，舒服又自由。
很多家長都說：「為咗小朋友，先的起心肝學車。」
第五類：就快畢業嘅學生
趁後生考定牌，係好多過來人嘅心聲。學生時代時間相對鬆動，畢業後踏入社會，返工已經佔咗大部分時間，要再抽空學車就難好多。與其將來後悔「點解當初唔考定」，不如趁而家仲有時間，為未來嘅自己做好準備。
不過記得，要年滿18歲，先符合考牌嘅年齡限制。
第六類：純粹想自我增值、為未來做準備的人
有些人未必即時需要揸車，但都選擇先考牌。原因是：趁後生有時間、趁而家有CEF資助、趁仲未忙到冇時間學。
學車是一種「有備無患」的投資。將來搬屋、轉工、結婚、生仔，甚至只是想去自駕遊，都隨時用得着。
第七類：準備北上揸車嘅港人
隨住「港車北上」持續推行，越嚟越多港人需要喺內地揸車。
換句話講，越嚟越多港人意識到，無論你係想北上自駕遊，定係要兩邊走返工，要有一張香港車牌，考牌都係第一步。
無論你屬於邊一類，我哋都幫到你
我哋提供多種駕駛課程，涵蓋私家車、輕型貨車、商用車（的士、小巴、巴士）等，仲有彈性上課時間，迎合唔同學員嘅需要。我哋嘅導師團隊經驗豐富，教學有耐心，助你穩步掌握駕駛技術。
另外提一提，本校嘅 私家車駕駛證書課程 及 輕型貨車駕駛證書貨車 已經獲納入 持續進修基金（CEF）可獲發還款項課程名單。合資格學員獲資助後，實際學費低至$4232。無論你係為咗生計定係為咗未來，我哋都樂意陪你行好學車每一步。
